მეტყველების განვითარების სტრატეგიები

პლატფორმა  “დედამ იცის” გთავაზობთ  ბავშვებში მეტყველების განვითარების სტრატეგიებს.  მასალა მოამზადა  თინათინ ფანცულაიას  ფსიქოლოგიური  საკონსულტაციო ცენტრის “იდილიას” ფსიქოკონსულტანტმა, მეტყველების თერაპევტმა – სოფიო ყველაშვილმა.

იმისათვის, რომ ბავშვების მეტყველება განვავითაროთ და მათი ლექსიკური მარაგი გავამდიდროთ, გთავაზობთ სტრატეგიებს, რომელთა გამოყენების შემთხვევაში ეს პროცესი უფრო წარმატებით წარიმართება. 

• საკუთარ თავთან საუბარი – ხმამაღლა ისაუბრეთ იმაზე, რასაც აკეთებთ;

• პარალელური საუბარი – გაახმოვანეთ ყველაფერი, რასაც აკეთებს თქვენი შვილი;

• განმეორება – გაიმეორეთ სიტყვები უსასრულოდ. გაზარდეთ შესაძლებლობები, კონცენტრირდით ერთსა და იმავე სიტყვებზე მთელი დღის მანძილზე;

• გამარტივება – გამოიყენეთ მოკლე ფრაზები და წინადადებები;

• დაამატეთ ერთი სიტყვა – გამოიყენეთ საუბარში ერთი სიტყვით მეტი, ვიდრე თქვენი შვილი იყენებს;

• ნიმუში – უთხარით თქვენს პატარას, რაც გინდათ, რომ მან გითხრათ;

• იმიტაცია – ასწავლეთ მოგბაძოთ თქვენ;

• ვიზუალური ეფექტი – საუბრის დროს ანახეთ პატარას საგანი ან სურათი;

• ჟესტების ენა – გამოიყენეთ და ასწავლეთ საუბრისას ჟესტები;

• მხოლოდ ერთი ცალი – მიეცით საუბრის მოტივაცია, მიეცით მხოლოდ ერთი, რათა მოგთხოვოთ მეორეც;

• მიეცით არჩევანის საშუალება – რომელი უფრო გინდა ეს თუ ეს?

• თამაში წარმართეთ ისე, რომ პატარამ გთხოვოთ დახმარება;

• მიუწვდომელ ადგილას – მიეცით საშუალება ეცადოს თვითონ აიღოს ის, რაც უნდა;

• იყავით გულმავიწყი – მიეცით საშუალება გთხოვოთ ის, რაც სურს;

• დაუშვით შეცდომები – მიიქციეთ ყურადღება მოულოდნელი საქციელით;

• მიჰყევით მით ნებას – ისაუბრეთ ბავშვის ინტერესების შესახებ;

• სიახლე – აღმოაჩინეთ და შეისწავლეთ რაიმე ახალი;

• ვერბალური რუტინა – მაგ: დღის მანძილზე გამოიყენეთ ერთი და იგივე სიტყვები;

• სიმღერა – შეასწავლეთ ენა სიმღერის მეშვეობით;

• მოთმინება – გააკეთეთ პაუზა და დაელოდეთ, როდის გიპასუხებთ ბავშვი;

• გააკეთეთ კომენტარი – დასვით ნაკლები შეკითხვა და გაუკეთეთ მეტი კომენტარი;

• დაუსვით ღია კითხვები.