„შაქრის დეტოქსის“ მოდური დიეტა გვპირდება, რომ ტკბილეულის სურვილის გაკონტროლება დაგვეხმარება წონის კლებაში. მაგრამ მუშაობს ეს?
შაქარზე დამოკიდებულება
თუ თქვენ ტკბილის ჭამის დროს კარგავთ კონტროლს და ჭამთ იმაზე მეტს, ვიდრე გეგმავდით, ეს საყურადღებო მდგომარეობაა, თუნდაც არ იყოს ჭეშმარიტი დამოკიდებულება.
ტვინის რეაქცია შაქარზე
შაქარი ტვირთავს ტვინის ყველა უჯრედს. თქვენი ტვინი ასევე აღიქვამს შაქარს, როგორც ჯილდოს, რაც განაპირობებს მის მეტ სურვილს. თუ ხშირად მიირთმევთ ბევრ შაქარს, ამ ჯილდოს აძლიერებთ, რამაც შეიძლება გაართულოს გადაჩვევა.
შაქრის სწრაფი მატება
მარტივი ნახშირწყლები (კანფეტები, ტკბილეული, სუფრის შაქარი და ა.შ.) სწრაფად იქცევა გლუკოზად თქვენს სისხლში და თქვენს ორგანიზმში შაქრის დონე მკვეთრად იმატებს. მარტივი ნახშირწყლები ასევე გვხვდება ხილში, ბოსტნეულსა და რძის პროდუქტებში. მაგრამ ისინი შეიცავენ უჯრედისს და ცილას, რომელიც ანელებს პროცესს.
შაქრის სწრაფი ვარდნა
თქვენს ორგანიზმში სისხლის მიმოქცევის სისტემას გლუკოზა გადააქვს უჯრედებში, რათა მიიღოთ მეტი ენერგია. ამისათვის თქვენი პანკრეასი ქმნის ჰორმონ ინსულინს. შედეგად, სისხლში შაქრის დონემ შეიძლება მოულოდნელად დაიწიოს. სისხლში შაქრის ეს სწრაფი ცვლილება გიბიძგებთ, რომ უფრო მეტი ტკბილეული მიიღოთ, რათა შაქარი “მაღლა” აიწიოთ. ამას კი უფრო არაჯანსაღი კვებისკენ მივყავართ.
გგონიათ, რომ არ იღებთ ბევრ ტკბილს, მაგრამ გიყვართ პურ-ფუნთუშეული, თეთრი ბრინჯი, თეთრი ფქვილი, კარტოფილი? ისინიც იშლება მარტივ შაქრებად და სწრაფად ზრდის გლუკოზის დონეს სისხლში.
მუშაობს “შაქრის დეტოქსის” დიეტები?
“შაქრის დეტოქსის” ზოგიერთი დიეტა მოგთხოვთ უარი თქვათ ყველა სახის ტკბილეულზე, მათ შორის ნიშნავს ხილზე, რძეზე და რაფინირებულ მარცვლეულზე. იდეა არის თქვენი ორგანიზმის შაქრისგან გაწმენდა. მსგავსი დიეტა ძალიან მკვეთრია გასაგრძელებლად. ცვლილებები, რომელთა მიყოლაც მხოლოდ მოკლევადიან პერიოდში შეგიძლიათ, ნიშნავს, რომ ძველ ჩვევებს დაუბრუნდებით.
იმუშავეთ გემოვნების ცვლილებებზე
თქვენ არ გჭირდებათ შაქარი ისე, როგორც ფიქრობთ. სინამდვილეში, თქვენ შეგიძლიათ შეცვალოთ თქვენი გემოვნება ისე, რომ ისიამოვნოთ სხვა პროდუქტებით. სცადეთ ყოველკვირეულად ამოიღოთ თქვენი ტკბილი რაციონიდან ერთი ტკბილი საკვები. მაგალითად, სადილის შემდეგ დესერტზე თქვით უარი, ყავასა და ბურღულეულში ნაკლები შაქარი ჩაყარეთ. დროთა განმავლობაში თქვენ დაკარგავთ შაქრის ძლიერ მოთხოვნილებას.
აირჩიეთ სასარგებლო ტკბილეული
თქვენ არ უნდა თქვათ უარი ტკბილზე. უბრალოდ მიიღეთ სხვა წყაროებიდან. შაქრის ნაცვლად შვრიის ფაფაში სცადეთ კენკრის დამატება, ასევე გამხმარი, გაყინული ან დაკონსერვებული ხილი (ძალიან ბევრი შაქრის გარეშე). ერთი ჭიქა უცხიმო რძე ან შაქრის დაბალი შემცველობის იოგურტი დაგეხმარებათ.
დაიწყეთ გადაჩვევა მცირე ნაბიჯებით
თუ თქვენს რაციონში შეიტანთ მცირე, მარტივ ცვლილებებს, მათი შენარჩუნება ადვილია. დაიწყეთ მეტი ხილისა და ბოსტნეულის ჭამით. დალიეთ მეტი წყალი. შეამოწმეთ საკვების ეტიკეტები და შეარჩიეთ ისეთები, რომლებსაც არ აქვს ბევრი შაქარი. ყოველკვირეულად ამოიღეთ ცოტაოდენი შაქარი თქვენი მენიუდან. რამდენიმე კვირის შემდეგ გაგიკვირდებათ, თუ რამდენად ნაკლებად მოგენატრებათ ის.
დაიხმარეთ ცილებით და უჯრედისით მდიდარი საკვები
ცილის მიღება მარტივი გზაა შაქრისადმი ლტოლვის შესამცირებლად. მაღალი ცილის (უცხიმო ქათამი, უცხიმო იოგურტი, კვერცხი, თხილეული ან ლობიო) და უჯრედისის (ხილი, ბოსტნეული და მთელი მარცვლეული) შემცველ საკვებს ორგანიზმი უფრო ნელა ითვისებს და უფრო დიდ ხანს იქნებით დანაყრებული. ის არ იწვევს სისხლში შაქრის ზრდას ისე, როგორც მარტივი ნახშირწყლები და შაქრები.
ივარჯიშეთ
ვარჯიში დაგეხმარებათ შაქრის ლტოლვის შემცირებასა და ზოგადად კვების შეცვლაში. ასე თავს უკეთ იგრძნობთ და უფრო ჯანმრთელი საკვები მოგინდებათ. გააკეთეთ ის, რაც მოგწონთ, მაგალითად სიარული, ველოსიპედის ტარება, იოგა ან ცურვა. დაიწყეთ ნელა და დაიტვირთეთ ფიზიკურად კვირაში მინიმუმ 150 წუთის განმავლობაში.
ხელოვნური დამატკბობლები და „სასარგებლო“ შაქრები.
ზოგიერთი გამოკვლევის თანახმად, ხელოვნურმა დამატკბობლებმა შეიძლება უფრო მეტი შაქრის სურვილი გაგიჩინოთ. ამან შეიძლება გაართულოს თქვენი წონის კონტროლი. ზოგი ექსპერტი ამბობს, რომ პრობლემა ის არის, რომ ხელოვნური დამატკბობლები არ დაგეხმარებიან ტკბილეულის სურვილის შემცირებაში. დაუკვირდით თქვენს სხეულს. შაქრის შემცვლელი კიდევ უფრო მეტ სურვილს გიჩენთ შაქრისკენ? თუ ასეა, სხვაგან ეძებეთ ტკბილი გემო.
თაფლი, ყავისფერი შაქარი და ა.შ. შეიძლება ჯანსაღად ჟღერდეს. მაგრამ შაქარი არის შაქარი. იქნება ეს ფუტკრიდან თუ შაქრის ლერწმიდან, ის იწვევს სისხლში შაქრის მომატებას. თაფლი და არარაფინირებული შაქრები ოდნავ მეტია საკვები ნივთიერებებით, მაგრამ მათი კალორიები მაინც ითვლება.
რამდენია „ბევრი“ შაქარი?
ამერიკის გულის ასოციაციის თანახმად, ქალებმა 6 ჩაის კოვზზე მეტი არ უნდა მიიღონ დღეში. ეს დაახლოებით 100 კალორიაა. მამაკაცებმა კი მაქსიმუმ 9 ჩაის კოვზი. ეს დაახლოებით 150 კალორიაა.
შეუძლია შაქარს დიაბეტის გამოწვევა?
შაქარი თავისთავად არ იწვევს დიაბეტს. მაგრამ ბევრი შაქრის მიღების შედეგად წონაში მატების გამო ორგანიზმს შეიძლება გაუჭირდეს ინსულინის წარმოება, რომელიც აკონტროლებს სისხლში შაქრის დონეს. როდესაც თქვენი სხეული ეწინააღმდეგება ინსულინს, სისხლში შაქარი და დიაბეტის რისკი იზრდება.
წყარო: www.webmd.com
