უშვილობის სამკურნალო საშუალებები, დედის სიმაღლე, ასაკი და ოჯახის ისტორია გავლენას ახდენს ტყუპებზე დაორსულების ალბათობაზე.
ასაკი
30 წელზე უფროსი ასაკის ქალები უფრო ხშირად აჩენენ ტყუპებს. ეს ხდება იმის გამო, რომ FSH ჰორმონი იზრდება ქალის ასაკის მატებასთან ერთად. FSH, ან ფოლიკულის მასტიმულირებელი ჰორმონი, პასუხისმგებელია საკვერცხეებში კვერცხუჯრედების განვითარებაზე, სანამ ისინი გამოთავისუფლდებიან. FSH–ის უფრო მაღალი დონე საჭიროა ამ ასაკში, რადგან კვერცხუჯრედები უფრო მეტ სტიმულირებას საჭიროებს, ვიდრე უფრო ახალგაზრდა ქალებში. ეს გარკვეულწილად ირონიულია, თუ გავითვალისწინებთ იმას, რომ FSH გაზრდა ასევე განაპირობებს ნაყოფიერების შემცირებას. მაგრამ ზოგჯერ, ფოლიკულები ზედმეტად რეაგირებენ FSH–ის მაღალ დონეზე და გამოიყოფა ორი ან მეტი კვერცხუჯრედი, რის შედეგადაც ხდება ტყუპებზე ორსულობა.
ოჯახის ისტორია
იდენტური ტყუპების ოჯახის ისტორია არ ნიშნავს, რომ დიდი ალბათობით ტყუპები გეყოლებათ, თუმცა იდენტურ მამრობითი სქესის ტყუპებს მეტი შანსი აქვთ ასევე იდენტური ტყუპები ჰყავდეთ. თუ ოჯახში გყავთ არაიდენტური ტყუპი ძმები, თქვენი შანსი ტყუპების ყოლაზე იზრდება. თუკი ტყუპი ძმები არსებობენ, როგორც დედის, ისე მამის მხრიდან, ტყუპების ყოლის შესაძლებლობა კიდევ უფრო მეტია.
ოჯახში ქალის მხრიდან ტყუპი ძმების ისტორია ნიშნავს უფრო მაღალ ალბათობას ერთზე მეტი კვერცხუჯრედის ოვულაციისა ციკლის განმავლობაში.
წონა
ქალები, რომლებსაც ჭარბი წონა აქვთ (სხეულის მასის ინდექსი 30-ზე მეტი) უფრო ხშირად ორსულდებიან ტყუპებზე, ვიდრე სხვა ქალები. ამასთანავე, ჭარბი წონის მქონე ქალებს ხშირად უჭირთ დაორსულება.
ზედმეტი ცხიმი იწვევს ესტროგენის დონის ზრდას. ესტროგენის მაღალმა დონემ შეიძლება გამოიწვიოს საკვერცხეების ზედმეტი სტიმულირება. იმის ნაცვლად, რომ მხოლოდ ერთი კვერცხუჯრედი გაათავისუფლოს ოვულაციის დროს, საკვერცხეებმა შეიძლება გამოყოს ორი ან მეტი.
სიმაღლე
ქალებს, რომელთა სიმაღლე საშუალოზე მაღალია, უფრო ხშირად ჰყავთ ტყუპები. არსებობს თეორია, რომ უკეთესი კვება (რამაც შეიძლება უფრო მეტი სიმაღლე გამოიწვიოს) ნაწილობრივ განაპირობებს ტყუპებზე ორსულობის მეტ ალბათობას.
ძუძუთი კვება
ძუძუთი კვების დროს დაორსულება ზრდის ტყუპების ყოლის ალბათობას.
კვება
მიუხედავად იმისა, რომ კვლევა ჯერ კიდევ მიმდინარეობს, ზოგიერთმა გამოკვლევამ აჩვენა, რომ ქალები, რომლებიც ბევრ რძის პროდუქტს ჭამენ, უფრო მეტად ორსულდებიან ტყუპებზე. არსებობს თეორია, რომ ძროხებისთვის მიცემული ზრდის ჰორმონები გავლენას ახდენს ადამიანებში ჰორმონის დონეზე.
სხვა ფაქტორები
ტყუპები უფრო ხშირად გვხვდება ქალებში, რომლებსაც ბევრი შვილი ჰყავთ. ასევე, აფრო-ამერიკელები ტყუპებზე უფრო ხშირად ორსულდებიან, ვიდრე კავკასიელი ქალები. აზიელ ქალებში კი ყველაზე ნაკლები შემთხვევაა.
წყარო: verywellfamily.com
