საბავშვო ბაღებში რეგისტრაციის ვადები გამოცხადდა

თბილისის საჯარო საბავშვო ბაგა-ბაღებში აღსაზრდელთა ელექტრონული რეგისტრაცია 2020-2021 სააღმზრდელო წლისთვის 12 ივნისს დაიწყება და ორ ეტაპად ჩატარდება.

პირველ ეტაპი 12 ივნისს 12 საათზე დაიწყება და 19 ივნისამდე გაგრძელდება. ამ ეტაპზე რეგისტრაცია ეხება შემდეგ კატეგორიებს:

1)            ჩვილ ბავშვთა სახლის ბენეფიციარები;

2)            სოციალურად დაუცველი ოჯახის შვილები (100 000-მდე ქულა);

3)            სპეციალური საგანმანათლებლო საჭიროების მქონე (სსსმ) ბავშვები;

4)            დედმამიშვილები;

5)            მარტოხელა მშობლის სტატუსის მქონე მოქალაქეთა შვილები.

სააგენტოში მისვლის ნაცვლად, სსსმ ბავშვების რეგისტრაციისთვის საჭირო დოკუმენტაცია (ბავშვის დაბადების მოწმობა, ჯანმრთელობის ცნობა – ფორმა 100, ფორმა 50) და მშობლის საკონტაქტო ინფორმაცია მშობლებმა უნდა გაგზავნოთ ელექტრონული ფოსტის მეშვეობით, მისამართზე kidsreg2020@gmail.com.

ყველა სხვა სტატუსის მქონე აღსაზრდელისთვის ელექტრონული რეგისტრაცია დაიწყება 19 ივნისს 12 საათიდან. თბილისის საბავშვო ბაგა-ბაღების მართვის სააგენტოს ვებგვერდზე – www.kids.org.ge მშობლები შეძლებენ ასაკობრივი კატეგორიების მიხედვით იმ ბავშვების დარეგისტრირებას, რომლებსაც 2020 წლის 14 სექტემბრამდე შეუსრულდებათ 2 წელი.

ვრცლად ამ საკითხზე: http://kids.org.ge/ge/news/tbilisis-sabavshvo-baghebshi-2020-2021-saaghmzrdelo-tslistvis-registratsia-12-ivniss-daitsqeba