11 სექტემბრის დილის მონაცემებით ბოლო 24 საათში საქართველოში კორონავირუსის 87ახალი შემთხვევა გამოვლინდა. თებერვლიდან მოყოლებული ეს დღიური შემთხვევების რეკორდული მაჩვენებელია.
უწყებათაშორისი საკოორდინაციო საბჭოს გადაწყვეტილებით, თბილისში, ქუთაისში, რუსთავში, გორში, ფოთსა და ზუგდიდში სასწავლო პროცესი 15 სექტემბრიდან დისტანციურად, ხოლო პირველი ოქტომბრიდან საკლასო ოთახებში დაიწყება. ჯანდაცვის მინისტრმა ეკატერინე ტიკარაძემ ამის მიზეზად დიდ ქალაქებში ადამიანების უფრო მაღალი მობილობა და ჰიბრიდული მეთოდის გამოყენების შესაძლებლობა დაასახელა.
