ცხვირის გაჭედვა და სურდო ორსულობის პერიოდში საკმაოდ ფრთხილი და საყურადღებო სიმპტომებია, რადგან ამ დროს საჭიროა ექიმის რეკომენდაციით მოხდეს თითოეული მედიკამენტისა თუ მკურნალობის კურსის შერჩევა. ცხვირის გაჭედვა შესაძლოა ორსულობის მეორე ტრიმესტრიდან უფრო შესამჩნევი გახდეს და ზოგიერთ ქალს მთელი ორსულობის განმავლობაში აწუხებდეს.
ორსულთა რინიტი ცხვირის ლორწოვანი გარსის შეშუპების შედეგია. მისი განვითარება დაკავშირებულია ორსულობის დროს ჰორმონალურ ცვლილებებთან, მათ შორის ესტროგენისა და პროგესტერონის დონის მატებასთან. ჰორმონების ცვლილება იწვევს ცხვირის ლორწოვან გარსში სისხლის მიმოქცევის გაძლიერებასა და შეშუპებას, რის გამოც შესაძლოა გაჩნდეს ცხვირით სუნთქვის გაძნელება, ცხვირის გაჭედვის შეგრძნება და ცხვირიდან გამონადენი.
ორსულთა რინიტი, როგორც წესი, საფრთხეს არ წარმოადგენს არც ორსულისთვის და არც ნაყოფისთვის, თუმცა ცხვირის მუდმივი გაჭედვა საკმაოდ შემაწუხებელი შეიძლება იყოს და გავლენა მოახდინოს ძილისა და ყოველდღიური ცხოვრების ხარისხზე.
როგორ გავუმკლავდეთ ცხვირის გაჭედვას ორსულობის დროს?
ორსულობის პერიოდში ცხვირის გაჭედვის შესამსუბუქებლად შესაძლებელია რამდენიმე მარტივი და უსაფრთხო მიდგომის გამოყენება:
- სცადეთ ოთახის ჰაერის დამატენიანებელი: განსაკუთრებით მაშინ, თუ ოთახში ჰაერი მშრალია. ტენიანი ჰაერი ხელს უწყობს ცხვირის ლორწოვანი გარსის გამოშრობისა და გაღიზიანების შემცირებას.
- მიიღეთ საკმარისი სითხე: წყლის რეგულარული მიღება ხელს უწყობს ორგანიზმის ჰიდრატაციას და შესაძლოა შეამსუბუქოს ცხვირის ლორწოვანი გამონადენის სიბლანტე.
- გამოიყენეთ ფიზიოლოგიური ხსნარი: მარილიანი ხსნარით ცხვირის ღრუს გამორეცხვა ან დატენიანება შეიძლება დაეხმაროს ლორწოვანი გარსის გაწმენდასა და ცხვირის გაჭედვის შემცირებას.
- დაიძინეთ ოდნავ ამაღლებული თავით: თავისა და ზედა ტანის მცირე აწევა ზოგიერთ ადამიანს ღამით ცხვირით სუნთქვის გაუმჯობესებაში ეხმარება.
- მოერიდეთ გამღიზიანებლებს: თამბაქოს კვამლმა, მტვერმა, მძაფრმა სუნებმა და ძალიან მშრალმა ჰაერმა შესაძლოა ცხვირის ლორწოვანი გარსის გაღიზიანება და შეშუპება გააძლიეროს.
- მიიღეთ C ვიტამინით მდიდარი საკვები: რაციონში შეგიძლიათ ჩართოთ ციტრუსები, კივი, ბულგარული წიწაკა, ბროკოლი და სხვა C ვიტამინით მდიდარი პროდუქტები.
რა შეიძლება გამოვიყენოთ ორსულობის დროს?
ორსულობის პერიოდში ნებისმიერი მედიკამენტის, მათ შორის ცხვირის სპრეის ან ცხვირის სისხლძარღვების შემავიწროებელი საშუალების გამოყენებამდე სასურველია ექიმთან ან ფარმაცევტთან კონსულტაცია. ყველა ცხვირის გამხსნელი საშუალება არ არის რეკომენდებული ორსულობისას და თვითნებურად გამოყენებამ შესაძლოა არასასურველი შედეგები გამოიწვიოს.
თუ ცხვირის გაჭედვას თან ახლავს გაციების ან ბაქტერიული ინფექციის ნიშნები, ექიმთან კონსულტაცია განსაკუთრებით მნიშვნელოვანია. ასეთ შემთხვევებში მკურნალობის შერჩევისას უნდა გავითვალისწინოთ როგორც დედის, ისე ნაყოფის უსაფრთხოება.
ამ მხრივ ერთ-ერთ ბუნებრივ და უსაფრთხო საშუალებას წარმოადგენს ფაგიო (PHAGYO) – ბაქტერიოფაგებზე დაფუძნებული პრეპარატი. ფაგიო გამოიყენება, როგორც ზედა სასუნთქი გზების ბაქტერიული ინფექციის დროს, ასევე ვირუსული ინფექციებისას ბაქტერიული გართულებების თავიდან ასარიდებლად. მისი გამოყენება შესაძლებელია როგორც ცხვირის ღრუში ჩაწვეთების გზით, ასევე დასალევად. პრეპარატის ბუნებრივი და უნიკალური მახასიათებლებიდან გამომდინარე, ფაგიო® გამოიყენება სიცოცხლის პირველივე დღეებიდან, ასევე ორსულობისა და ლაქტაციის პერიოდშიც.
ორსულობის დროს ცხვირის გაჭედვა უმეტეს შემთხვევაში დროებითი და მართვადი მდგომარეობაა. სწორი მოვლა, ოთახის ჰაერის ტენიანობის შენარჩუნება, საკმარისი სითხის მიღება და საჭიროების შემთხვევაში ექიმის მიერ შერჩეული საშუალებების გამოყენება დაგეხმარებათ, ორსულობის ეს უსიამოვნო სიმპტომი უფრო მარტივად მართოთ.
